Mama nini kuar udah dari spitar kemarin pagi, tapi tgh hari atu nini masni dari kampung balah mama kana tahan di icu. sebabnya pasal di bandar, hannah nda berapa pasti apa lah sebabnya. iatah babah sama mama ke spitar ptg atu bawa hannah, tapi hannah tinggal di luar saja sama nini n uncle yang lain.
doakan saja nini masni selamat. amin…
nanti lagi hannah blog ah, lapai dah ni kan mamam….
yeay… mama nini ok tadi operesen… nda jua batah banar nya babah menunggu lapas masuk but batah menunggu ia kan operesen atu saja… patutnya kul 7 tapi kul 10 baru ia masuk. nda apa lah, janji selamat.
kemarin kul 5.30 patang hannah kana bawa ulih babah sama mama lawat nini. di spitar ada uwa, amit, nini ladin, nini nor, uwa adib, ngangah jimin sama usu bakri. hannah siuk main-main sama usu tapi mama nini nda dapat pigang hannah 
sal tangan mama nini bebalut kai kain. nda apa lah, nanti udah nini baik banar baru tah dapat pigang hannah.
ahir hannah balik dari spitar tadi, dalam pukul 8 malam. lapas spitar mama singgah bayar kad kidit di baiduri. babah pigang hannah dalam keta sampai hannah terbam sal ngalih. lapas sana, kami singgah kadai kajap pas atu balik.
tadi babah kana tipun, mama nini d ripas betahan sal esuk ia kan operesen rah tangannya. lapas kana tipun ulih mama nini, hannah, babah sama mama tarus jalan kespital lawat nini. disana ada bapa nini, uwa, amit, usu sama uncle azlan. babah kejumpaan uncle muris sama auntie lush jua sal mama uncle muris betahan lapas operesen jua.
capat-capat cihat nini ah, kan angkat hannah lagi tu nanti… mwahzzz cayang nini… esuk malam lagi hannah lawat nini ah….
babai….
aloooo….. babah kaja lagi, mama ulah lagi… hannah main sama bibi tadi, ani nini boy sama nini gal di atas ia. boring hannah eh nada dangan main, iatah ni memblog saja tah.
kemarin babah sama mama bawa kerumah nini uwa di lambak untuk makan-makan. eeee ramai org pigang hannah eh, kana ucap bulat tia, panjang tia, marung tia (biasa control ayu kali ah) dan macam-macam lagi lah. tapi siuk jua, jumpa usu bakri. usu bakri pun kishhh kishhh hannah.
lapas makan-makan, uwa bawa ke mall lagi, babah pun join lah bawa mama sama hannah. on da way (spiking lagi aku ah) hannah O~o~~ mengajan dalam keta ah… bida ayu mua tarus… baik jua ada pampers, nda payah ngunjar jamban lagi.. udah sampai mall (panjang keta ah!!!) mama tarus bawa ke bilik tampat tukar pampers, babah lain plang kajanya, bayar kad kidit ia.
Babah sama mama bam udah, hannah gauk kan main, iatah nda mau bam.. ani hannah boring nada kan di bawa main. Tua, amit sama usu tido udah, dorang nini laki sama nini bini pun tido…
ani baik jua laptop babah bepasang, dapat jua memblog. Boring eh, tadi hannah kan liat bunga api tapi babah nda jadi jalan pasal ptg tadi, hari patang kan ujan usulnya. iatah tarus balik rumah nini di tanjung pasal dorg nini, uwa, ngangah sama ucu ada datang dari limbang. hannah alum pernah ke limbang, babah sibuk saja ah.. dorang datang sal ada jemputan esuk, iatah tu. abang-abang kazen pun ada kana bawa, tapi dorang laki-laki, mainan dorang tadi brutal-brutal, hannah hanya mampu terdiam saja meliat. feminine kali ah….
bah babah bangun udah, hannah kan minta unggak eh. kalat udah mata ni. nanti lagi ah….
hello… namaku Siti Nur Hannah. iatah blog ku yang mula-mula ni, babah sama mama nda tau ni yg aku membuat ah, jangan gtau dorg ah… shhh…
aku membuat ani masa sal dorg nada, dorg kaja… nini boy sama nini gal tu nah tido ah… aku membuat ani sal luan rajin meliat babah membuat blognya ah, sampai nda bawa aku main kan bawa main mama, cian jua sal mama balajar. tapi tadi mama gtau result exam, yeayyyy mama pass dangan merit…. tahniah mama… mwahzzz cayanggggg mama…
bah babah, mama suruh bagi hadiah, wakilkan tarus untuk hannah ah hehehe… cayanggg babah jua….
eh, sapa kan meliat kadiaku yang kiut miut ani, ni nah gambar ku ah…
ani masa ku baby bana bana…brapa hari baru ni umurku…
nah ani gambar yang paling the latest nya omputih…
gambar gambar ani ku ambil dari gallery babah… hehehe sayang jua mun nda dipakai….